Idus de marzu

Esti artículu trata sobre esi día del calendariu romanu. Pa ver socesos qu'asocedieron el 15 de marzu, 15 de marzu.

Aviesu d'un denariu emitíu por Brutu, l'asesín de César nel 42 e. C., cola abreviatura *EID MAR* (Idus de marzu) so un "píleo de llibertá" ente dos dagues.

Los idus de marzu (en llatín, Idus Martii o Idus Martiae) nel calendariu romanu correspondíen a los díes 15 del mes de Martius.

Los idus yeren díes de bonos badagüeyos que teníen llugar los díes 15 de marzu, mayu, xunetu y ochobre, y los díes 13 del restu de los meses del añu.

Anque marzu (Martius, mes consagráu al dios Marte) yera'l tercer mes del calendariu xulianu, nel calendariu romanu más antiguu yera'l primer mes del añu. Los díes de fiesta reparaos polos romanos dende'l primeru de los idus reflexen el so orixe como celebraciones del añu nuevu. Los idus de marzu, nos calendarios más antiguos, seríen los díes correspondientes a la primer lluna llena del añu nuevu.^[1]

↑ H.H. Scullard, Festivals and Ceremonies of the Roman Republic, Cornell University Press, 1981, páxs. 42–43.

[1] H.H. Scullard, Festivals and Ceremonies of the Roman Republic, Cornell University Press, 1981, páxs. 42–43.

[1]